أختي في الله المسلمة هل تعبتي من ؟

السلام عليكم ورحمة الله وبركاته
أختي في الله المسلمة
هل تعبتي فعلاُ من شغل البيت ؟







وحاسة انك مش قادرة تعملي حاجة في البيت



نفسك في خدامة تساعدك في شغل البيت


الشغل كتير عليكي ومش ملاحقة على شغل البيت




كنس









مسح










طبخ






تحضير الأكل






غسيل المواعين









غسيل الملابس










كي الملابس





التنفيض والتلميع











تربية الأولاد



وأخر اليوم تلاقي نفسك مجهدة جدا ونفسك السرير يجي لغاية عندك وتقومي تاني يوم في نفس الموال برضه









فافتكرت حاجة كنت عرفتها من كذا سنة وكنت باعملها من زمان وكنت والله أقوم نشيطة واعمل كل شغلي بسهولة بس بقالي شهور كتيرة ناسية الموضوع ده



فالحمد لله ربنا فكرني بيه من تاني



ورجعت تاني اعمله من كام يوم



والحمد لله بقيت أقوم أنشط من الأول واخلص شغل البيت اللي ورايا ومش ابتعب زى الأول
ما شاء الله لا قوة إلا بالله



وقلت كويس إني افتكرت الموضوع ده خاصة محتاجينه قبل الأعياد والمناسبات علشان
نعرف ننفض ونمسح كويس



ايه بقى الموضوع ده ؟



إيه هو يا ترى اللي يخليكي تعملي شغل بيتك بسهولة ويسر وبدون تعب ؟!



تجيبي خدامة تساعدك ؟



بس الخدامة هتكلفك كتير
وعايزه مرتب كبير كل شهر
يعني تخلصي من الإرهاق البدني تدخلي في إرهاق مادي



طيب تعملي إيه ؟



ها قول لك على حاجة بسيطة ومش مكلفة وأحسن لك من الخدامة!!!



من كم سنة سمعت حديث عن سيدنا رسول الله صلى الله عليه وسلم وجربته وفعلا بقيت الحمد لله با قوم نشيطة واعمل كل شغل البيت واليوم اللي انسي اعملها والله تلاقيني مش نشيطة وكسولة وعندي خمول



إيه هو الحديث ده ؟



حديث جميل جدا وتطبيقه سهل خالص



كانت السيدة فاطمة الزهراء - رضى الله عنها- تقوم على خدمة زوجها وأولادها، ورعاية البيت، فكان يصيبها التعب والمشقة، وقال عنها زوجها سيدنا الإمام على بن أبى طالب رضي الله عنه , لقد تزوجتُ فاطمة وما لى ولها خادم غيرها، ولما زوجها رسول الله( أرسل معها بخميلة ووسادة أدم حشوها ليف، ورحاءين وسقاء وجرتين، فكانت تجرُّ بالرحاء حتى أثَّرت في يدها، واستقت بالقربة حتى أثَّرت القربة بنحرها، وكانت تنظف بيتها حتى تغبر ثيابها، وتوقد تحت القدر. وكانت السيدة فاطمة الزهراء - رضى اللَّه عنها- تشكو الضعف، وتشارك زوجها الفقر والتعب نتيجة للعمل الشاق الذي أثَّر في جسديهما. وعندما جاءت أباها صلي الله عليه وسلم لتطلب منه خادمة تساعدها في العمل لم تستطع أن تطلب ذلك استحياء منه، فتولى الإمام على عنها السؤال وهى مطرقة في استحياء.

ولكن لنسمع معا ماذا قال سيدنا رسول الله صلي الله عليه وسلم
قال لهما في رفق وهو يقدر حالهما: "ألا أدلكما على ما هو خير لكما من خادم؟
إذا أوتيما إلى فراشكما، أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا خير لكما من خادم" البخاري"



شفتوا السيدة فاطمة رضي الله عنها تعبت من عمل البيت وجاءت إلى أبيها سيدنا رسول الله
صلي الله عليه وسلم تطلب منه خادمة وكانت قد علمت أنه هناك رقيقا قد أوتي بهم إلى الرسول صلى الله عليه وسلم ومع ذلك لم يعطها منهم شيئاً وهي من أحب أهله إليه ، بل علمها ما هو خير لها مما سألته حيث أمرها أن تسبح عند النوم ثلاثاً وثلاثين وتحمد الله ثلاثاً وثلاثين وتكبره أربعاً وثلاثين



يعني رسولنا صلى الله عليه وسلم كان يستطيع أن يعطي ابنته الحبيبة خادمة تخدمها وتريحها من عناء العمل ولكنه صلى الله عليه وسلم علمها هذا لأنه يعلم أن هذا الذكر أفضل لها وخير لها من الخادم

ليس هذا فقط ، بل ماذا؟

إن من يداوم عليه يجد قوة في بدنه تغنيه عن الخادم



فعلا والله صدقت يا سيدي يا رسول الله



والله عن تجربة في اليوم اللي اذكر قبل النوم اصحي نشيطة وشغل البيت سهل لكن الأيام اللي بانسى فيها أقوم وأكون كسلانة واطبخ وأروق واغسل بالعافية



فعلا والله صدقت يا سيدي يا رسول الله.



وجربي وأنتي تعرفي الفرق بنفسك

قبل ما تنامي "سبحي ربك ثلاث وثلاثين واحمدي ربك ثلاثا وثلاثين وكبري ربك أربع وثلاثين وتلك مائه كاملة



وستصبحين بإذن الله في قوه ونشاط

وبركه من الوقت

وهذا خير من خادمة









حقيقي أنا بجد جربتها وسبحان الله لما أقولهم بالليل قبل ما أنام أقوم تاني يوم والله اشتغل ولا اتعب لكن لما أنسى أقولهم بتعب وبكسل اعمل حاجات كتير


وما ينطق عن الهوى



فعلا والله صدقت يا سيدي يا رسول الله



صلى الله على محمد صلى الله عليه وسلم


جربوها يا أخوتي وها تلاحظوا الفرق


وبصي علشان متناميش قبل متقوليها أول لما تنامي على سريرك قوليهم على طول وبعدين قولي أذكار النوم وشوفي تاني يوم الفرق وجربي وها تلاقي الفرق


وكمان ياريت لو بعد ما تصحي الصبح تاخدي كوب ماء عليه ملعقة عسل نحل تدوبيها في الماء بملعقة عكس اتجاه عقارب الساعة



يااه بقى عملتي الذكر اللي وصانا بيه سيدنا الرسول صلي الله عليه وسلم اللي خير لكي من خادم وقمتي شربتي كوب ماء بعسل اللي بيعطي النشاط والحيوية
هتشوفي بقى هتخلصي شغل بيتك بكل سهولة وبدون تعب أو إرهاق









واعملي ده بس بيقين وده عن تجربة لي والله



ومنتظرة منكِ دعواتكِ